Pirritx, Porrotx eta Marimototsen azken ikuskizuna Larrabetzun

Euskararen nazionarteko eguna ospatzeko ekitaldien artean, Pirritx, Porrotx eta Marimotots Larrabetzun izan dugu, eskolako guraso elkarteak antolatuta… esteka honetan argazki batzuk ikusgai duzue.

Kategoriak Larrabetzuko eskola | Erantzun

Euskararen eguna Larrabetzun

Aste honetan ekintza ugari izango dugu Larrabetzun Euskararen nazionarteko eguna ospatzeko. Esteka honetan, orain arte, frontoian burutu diren hainbat ekitaldien argazkiak ikusgai dituzue. Bihar Pirritx, Porrotx, Marimotots eta Taberna Ibiltariaren txanda izango da. Gero asteburuaren zehar ekintza gehiago: antzerkia, bertso saioa eta abar.

Kategoriak Larrabetzuko eskola | Erantzun

Pirritx, Porrotx eta Marimototsen ikuskizun berria Larrabetzun

BOROBILEAN ikuskizunaren kartela

Pirritx, Porrotx eta Marimotots taldeko ikuskizun berria (BOROBILEAN) abenduaren 1ean Larrabetzuko frontoian izango dugu Txinpasmendi Guraso Elkarteak antolatuta.

Sarrerak Angulerin, arratsaldeko 16:30etik 19:30era, salgai egongo dira azaroaren 8tik aurrera agortu arte.

Prezioa 8 eurokoa da. 2 urte beteta ez duten umeek ez dute ordaindu behar, baina ezin izango dute aulki bat okupatu: bere guraso baten altzoan egon beharko dute. Gehienez, pertsona bakoitzeko 6 sarrera salduko dira.

Ikuskizuna 18:00etan izango da. Frontoiko atea 30 minutu lehenago zabalduko da.

SINOPSIA:
Eguna esnatuaz batera, etxean hasi eta eskolan jarraitu, lagunartean eta kalean gero, elkarren
arteko harremanak harilkatzen dira etengabe bizikidetasunaren amaraunean. Oraingoan
pailazoek galdera egingo diote euren buruari: Nork agintzen du etxean? Nork eskolan? Eta
kalean? Lagunartean?
Gosalorduan hasten dira komunerako bisitak. Pijamak erantzi eta arropak jantzi, Lagun
txakurra paseatu, hamaiketakoa prestatu eta badoaz pailazoak eskolara lagunbusean.
Marimori, baina, berandutu egin zaio. Ulerkorra eta maitakorra da Maribel andereñoa,
mundua ikasgela bihurtzen diena, ez hala Jeronimo, pailazoen bizilagun erretxina. Umeei
purrustadaka ari zaie beti eta pailazoek uste dute ez dela pozik bizi. Jeronimok lainoa beti beltz
ikusten du. Oraingoan, ordea, aldamenean keinuka den ostadarraren printzak ikusaraziko
dizkiote gure lagunek 
Borobilean eseriko dira denak, begiak eta bihotzak elkarri begira: Arauak ezarri, ardurak hartu
eta banatu, antolatu, nork bere lekua hartu, pozak, minak eta desirak elkarri kontatu,
errespetua landu, elkar ulertzen saiatu, erabakiak hartu… 
Eman, jaso eta moldatu, bizikidetzaren sokatan funanbulista bihurraraziko gaituzte denok
pailazoek.

Badakizu… abenduaren 1ean erdu Larrabetzuko frontoira Pirritx, Porrotx eta Marimototsekin disfrutatzera!

Kategoriak Larrabetzuko eskola | Erantzun

Akarbaltz gaua.

Akarbaltz gauaren inguruan eskolan hainbat ekintza izan ditugu azken egun hauetan.Bideotxo honetan laburbilduta dituzue.

Kategoriak Ikasleak | Erantzun

Akarbaltz gauaren argazkiak

Esteka honetan Akarbaltz gauaren argazkiak ikusgai dituzu.

Kategoriak Larrabetzuko eskola | Erantzun

Larrabetzutik Oinez > Argazkiak

 

 

 

“Gure umeen jana, gure lurrak emana” lelopean Guraso Elkarteak eta Gurpidek antolatu dugun irteeraren argazkiak hemen dituzue ikusgai.

Kategoriak Larrabetzuko eskola | Erantzun

AKARBALTZ

Akerbaltz Kareta (1)
AKARBALTZ_lagunen_bila_Ipuina
Akerbaltz Kareta Margozteko (1)

Kategoriak Larrabetzuko eskola | Erantzun

Larrabetzutik oinez

IRTEERA GURPIDEREKIN - copia copia

Kaixo familiok,

“Gure umeen jana, gure lurrak emana” lelopean Guraso Elkarteak eta Gurpidek antolatu dugun jardunaldiaren barruan, txango polit bat antolatu dugu datorren iganderako, urriak 29.

Txango horretan Gurpiderekin edo Eskolako jantokiko hornitzaileekin zerikusirik duten jarduera batzuk ezaguto ditugu; bide batez, Larrabetzuik oinez hainbat bazter ederretatik ibiliko gara. Umeek eta nagusiok parte hartzeko pentsatuta dago.

Irteera goizeko 10:30ean plazatik izango da eta 13:30ean (gutxi gorabehera) bukatuko da Goikoeleixalden. Amaitu baino lehenago hamaiketako batera gonbidatuko zaituztegu.

Txinpasmendi Guraso Elkartea  /  Gurpide

Kategoriak Larrabetzuko eskola | Erantzun

Guraso Elkartearen kuota

2017-18 ikasturteko guraso elkartearen kuota 15€koa da. Kuota hau ikasturtean behin bakarrik ordaintzen da eta familiako, hau da, berdin da zenbat seme-alaba izan eskolan.

Kuota ordaintzeko kontu-korrontea hauxe da:

Kutxabank   ES68 2095 0046 34 3800496049  . Ez ahaztu diru-sarreran ume(ar)en izen-abizenak ipintzea.

Ezinbestekoa da diru-sarreraren kontzeptuan seme-alaben izen-abizenak agertzea baina edozein arrazoiengatik ez badira agertzen bidali mesedez e-mail bat txinpasmendi.guraso@gmail.com helbidera esanez ordaindu duzula, zein egunean ordaindu duzun eta seme-alabaren izen-abizenak.

Kutxabankek bere bulegoetan kobratzen dituen komisioak ez ordaintzeko kutxazain automatiko batean edo interneten bidez ordaindu ahal duzue. Dena den, behar duenak utzi ahal du kuotaren zenbatekoa gutun-azal itxi batean guraso elkartearen postontzian. Ez ahaztu diruarekin batera ume(ar)en izen-abizenak ohar batean uztea.

((( ordaintzeko epea urriaren 31 arte )))

Kuota ordaintzen dutenek bazkideen prezioa ordainduko dute eskolaz kanpoko ekintzetan. Dena den, kuota ordaintzearen helburuak guraso elkarteak egiten duen lana bultzatzea izan behar du.

Guraso elkarteak antolatzen dituen zerbitzu eta ekintzak hauexek dira:
– Jantoki-zerbitzua./ Eskolaz kanpoko ekintzak./ Goizeko ume-zaintza. / Egun trinkoetan, arrastiko ume-zaintza  /  HHko laguntzaileak / Umeentzako ikuskizunak (antzerkia, txotxongiloak…)  /  Irteerak. /  Gurasoentzako hitzaldiak edo jardunaldiak. / Eskolako jaia.

Herriko dinamikan ere parte hartzen du:
– Euskararen egunean. / Larrabetzuko jaietan. /  AkerBaltz gaua. /  Korrika eguna. /  Inauterietan. /  Gabonetan.

Eskolako zuzendaritzarekin eta Udalarekin elkarlana egiten dugu:

– Eskolan egiteko hobekuntzak proposatzen ditugu.

– Eskolan zeharkako gaiak lantzeko aurkezten ditugu: zientzia, literatura, elkarbizitza, euskal kultura…

– Eskolan dauden beharrizanei erantzuten laguntzeko prest gaude. Gainera, Guraso Elkartea Larrabetzuko Euskara taldeko, Hezkidetza batzordeko eta Kulturbilguneko kidea da.

GURASO ELKARTE INDARTSUA IZATEA ETA BERTAN GUZTIOK ESKU-HARTZEA ERABAT LAGUNGARRIA DA, AHALIK ETA ESKOLAKO KALITATERIK ONENA IZATEKO.

Kategoriak Larrabetzuko eskola | Erantzun

Eskola-jantokia: oraina eta etorkizuna.

JANTOKIA HITZALDIA KARTELA 2C

Dakizuenez, Larrabetzuko eskolako jantokia Guraso Elkarteak kudeatzen du, eta helburu ditu nutrizio osasungarria, jasangarritasuna eta ohitura onetan heztea. Kudeaketa honek emaitza positiboak ematen baditu ere, askoz gehiago hobe liteke. Baina zoritxarrez, Eusko Jaurlaritzako Hezkuntza Sailak katering-enpresa handien kudeaketa baino ez du onartzen; eta gure eredua baztertu eta oztopatu egiten du.

Zorionez, gure ereduaren helburuak eta oinarriak aldarrikatzen dituzten eskola zein elkarte gero eta gehiago daude. Mugimendu horiek Eusko Jaurlaritzaren jarrera apur bat aldatzea lortu dute; izan ere, plan pilotuak jarri ditu eskola gutxi batzuetan. Horrexegatik, orain oso momentu garrantzitsua da beste eskoletan gauzatzen ari diren iniziatibak edo plan pilotu hauek ezagutzeko, eta Larrabetzuko jantokiko eredua finkatzeko eta hobetzeko hurrengo urratsak zehazteko.

Honengatik guztiagatik, mahai-inguru bat antolatu dugu, eta, bertan, Markinako Bekobenta eskolako ordezkari bik, Gure Platera Gure Aukera elkarteko ordezkari batek eta Larrabetzuko Guraso Elkarteko ordezkari batek hartuko dute parte. Mahai-inguru honetan guraso guztiak parte hartzera gonbidatzen zaituztegu gure eskolako jantokiko funtzionamenduaren egoera ezagutzeko eta zuen iritziak eta ekarpenak helarazteko, guztion artean, eskolako atal honen kalitatea hobetzen jarraitzeko.

Urriaren 19an, osteguna   –   17:00etatik 19:00etara – Eskolako jantokian

Kategoriak Larrabetzuko eskola | Erantzun