Ikasturte honetan, Gipuzkoako kostalderako urteera antolatu dogu mendiaz eta itsasoaz gozatzeko. Hondarribiko Guadalupe auzoan hasiko dogu txangoa, handik Txingudiko badiaren ikuspegi ederra ikusi ondoren haretxak, pinuak, akaziak, lorak, errekatxuak eta gorostiak daukazan bide batetik abiatuko gara itsasoagaz bat egin arte; orduan, ekialderantz jiratuko gara eta itsasertzetik doan Talaia izeneko ibilbidetik barrena, kalak eta badiak zeharkatuz eta kresal usainaz gozatuz iritsiko gara zeharkaldiaren amaierara: Hondarribiako itsasargia.

7,8 kilometroko ibilaldi erraz hau patxadaz egingo dogu eta ibilbidearen barruko lekuren batean bazkalduko dogu. Bazkaldutakoan Hendaiara itsasontziz joango gara eta han bakotxak nahi dauena: hondartzan egon, handik txango bat,… arrastiko 7ak arte. Ordu horretan, autobusean lotuko gara Larrabetzura itzultzeko.

Jakin beharrekoak:
- Prezioa: 5 euro lagun bakotxeko.
- Urteera Larrabetzuko frontoitik: Goizeko 9:30etan.
- Izena emoteko epea: gaurtik maiatzaren 10era arte.
- Ume guztiek nagusi baten ardurapean egon beharko dabe.
- Bazkaria: nork berea eroan behar, ibilaldian bazkalduko dogu eta.
- Nahi izan ezkero, hondartzan olgetan ibilteko jostailuak, baloiak edo nahi dozuna eroan.
- Oso eguraldi txarra egin ezkero, txangoa bertan behera geratu eta dirua itzuliko da.

Izena emoteko, idatz eizuz txangora etorriko diran lagun guztien datuak (izen-abizenak, telefonoa, posta-e, nagusiak ez diren adinak), diruagaz batera gutunazal batean sartu eta itxi eskolan dagoan Txinpasmendiren postontzian edo Anguleri kultur etxean.

Deskargatzeko dokumentuak:   oharra euskeraz   -   oharra gaztelainaz   -    kartela

Zalantza edo ekarpenaren bat baldin badaukazu idatzi hemen zure iruzkina edo txinpasmendi.guraso@gmail.com helbidera bidali zure mezua.

Txinpasmendi Guraso Elkartea

Morgako umeak Larrabetzuko eskolara etortzen dira eta ordu asko ematen dute gurean ikasten eta jolasten. Aste honetan, ordea, alderantzizko bidaia  egingo dugu: Larrabetzuko eskolakook Morgara joango gara domeka goizean eta txangoa egingo dugu Morgako inguruetatik oinez.

10etan irtengo gara Larrabetzutik, frontoitik, hain zuzen ere. Eta Morgara joateko, ahal duten guraso guztiek autoa ekar dezatela.

Morgan, udaletxearen aurrean lotu gara 10:30etan. Ordu horretan, gutxi gorabehera, oinez aterako gara eta gehienez hiru orduz ibiliko gara; dena dela, tarte horren barruan hamaiketako gozoa egiteko (bakoitzak etxetik eroanda) denbora hartuko dugu.

Udalak antolatu duen ume eta neska-mutilen Aisialdia Larrabetzun izeneko jardunaldian parte hartzeko gonbita luzatu digu eskolako ume, neska-mutil eta guraso guztioi.

Ekintza horretan, besteak beste, ondoko gaiez berba egin eta eztabaidatu ahal izango dugu: ludoteka, eskola kirola, eskolaz kanpoko ekintzak, egun berezietako ekintzak, uda txikia eta uda gaztea…

Jardunaldia apirilaren 20an egingo da, barikuan

Gurasoak: 16:30etatik 18:30etara, eskolan (Lehenengo solairuan dagoen informatika gelan)

11 urtera arteko umeak (gurasoen baimenaz): 16:30etatik 18:30etara, ludotekan.

HERRIKO LUDOTEKETAN EGINGO DIRA LEHEN KANPORAKETAK ETA SEI HERRITATIK HIRU PASAKO DIRA FINALERA

Txorierriko Mankomunitateak egitasmo berri bat jarriko du martxan aurten, euskararen erabilera bultzatzeko asmoarekin. Egitasmo hori, 10-12 urte bitarteko umeentzat pentsatuta dago. Mankomunitateko Euskerako Zerbitzuak, Txorierriko Mihiluzea martxan jarriko du. Programa horren helburua gaztetxoek eskola orduetatik kanpo euskaraz gozatzea da.

Parte hartu nahi duten gazteek, euren herriko ludoteketara joan eta izena ematea besterik ez dute egin behar. Bikoteka joan ahal dira edo banaka, bertan bikoteak egin daitezke eta. Izena emateko epea martxoaren 1etik apirilaren 20ra da. Apirilaren 23tik maiatzaren 20ra izango da lehen fasea eta kanporaketak ludoteka bakoitzean egingo dira. Herri bakoitzetik bikote irabazle bat aterako da eta ondoren bi ludoteka desberdinetan finalaurrekoak egingo dira: bi guztira, hiru herri elkarren lehian alde batetik eta beste hiru herri elkarren lehian bestetik. Puntuazio altuena ateratzen duten hiru herri pasatuko dira finalera. Finalaurrekoak ludoteketan bertan egingo dira, baina finala herritar guztientzat zabalik egongo da. Ekintzaren antolatzaileek leku egoki bat aukeratuko dute.

Sariei dagokienez, parte-hartzaile bakoitzak Mihiluze Txorierrin jartzen duen kamiseta bat jasoko du alde batetik, eta bestetik finalera heltzen diren 3 bikoteek familiarekin disfrutatzeko ekimen bana jasoko dute.

Hau da Txorierriko Mankomunitateak joko honek antolatzen duten lehen edizioa.

Martxoaren 21ean arrastiko 19:00etan Angulerin.

Txinpasmendi guraso elkarteak esku hartuko du eta  orain antolatzen ditugun kirol ekintzak (gimnasia erritmikoa, mendi irteerak, bizifesta, borroka-arteak, hipika) eta datorren urterako daukagun erronka (kirol anitza) azaltzera joango da.

Ibilbide osoa:

Anima zaitez!

Argazki gehiago hemen ikusi.

Hurrengo domekan, martxoak 18, goizeko 10etan urtengo gara mendi ibilaldian.

Plazatik, bidez bide joango gara Goikolara, Ametza baserriaren ondotik, GR 280 mendi ibilbidea hartu eta Lezamarantza -Lorono, Gaztelu, Basabale- eta Goitioltzara helduko gara.

Athletic Lezaman
Handik Lezamako kirol gunera joan eta Athletic-ek entrenatu eta jokatzen duen zelaiak bisitatuko dogu.
Lezamatik autobusez bueltatuko gara Larrabetzura.

Auzolanean ibili gara, adin ezberdinetako larrabetzuarrak. Larrabetzuko Udala eta eskolako gurasoen artean antolatutako ekitaldi honetan, ikusi dogu, apurka apurka gauza politak egin ahal ditugula herrian, herriarentzako.

Orain, Sarrikolarantza goazenean, Anguleriko liburutegian egoten garenean… Larrabetzuko zuhaitzei buruz, apurtxu bat gehiago jakingo dogu. Hurrengoa noz?

Arrastian ere festa giroan ibili ginen Larrabetzuko Udalak eta Txinpasmendik antolatutako jarduerei esker. Geroago, giro ederraz gozatu genuen Andra Mari kalean Hori Baik antolatutako mozorrotuen kalejiran eta, azkenik, eguna ondo amaitzeko, gorputzari astindua eman genion Hori Bain izandako dantzaldian.

Ezetz? Ikusi, ba, aragazkiak: